Malaybalay City, Bukidnon – Nagpahinumdom karon ang Civil Service Commission kon CSC Bukidnon sa mga buhatan sa gobyerno nga sundon ang nakalatid sa Anti-Red Tape Act.
Sa interview sa RMN Malaybalay ngadto kang CSC Bukidnon Director Lourdez Pelaez gibutyag niini nga tumong sa ARTA mao nga mapalambo ug paghatag ug maayo nga serbisyo ngadto sa mga katawhan, malikayan ang graft and corruption sa buhatan sa gobyerno ug maghatag ug penalty sa mga makasupak niini.
Kada tuig matud pa adunay mga piniling buhatan ang ilang ipailawom sa survey.
Apil matud pa sa tan-awon kung ang usa ba ka buhatan nakasunod sa citizens charter.
Gidugang pa ni Pelaez nga apil sa ilang susihon kung nakasunod ba sa no noon break.
Ang no noon break matud pa wala nagpasabot nga dili na mag-break ang usa ka empleyado kon dili kinahanglan nga dili maputol ang serbisyo sa usa ka opisina.
Dugang usab sa mahimong sumbanan sa evalutation kung nagsuot ba ug ID ang mga empleyado ug walay bay fixer sa buhatan.
