Padayong pang gipangita sa kapolisan ang usa ka abogada nga si Atty. Sara Cabrera Calipayan nga unang gitaho sa iyang bana nga si Atty. Jamaal James Calipayan nga wala mopauli sa ilang panimay sukad kagabii.
Si Atty. James, nipost sa iyang facebook account nga wala makapauli ang iyang asawa gikan sa alas 11:00 kagabii hangtud karong mga orasa.
Apan pasado alas 8:00 karong buntag gitaho sa kapolisan nga adunay Honda City Urban Titanium color nga dunay plate number FHY 588 nga maoy gigamit ni Atty. Sara, ang nakaparking sa Banilad Town Center parking Area.
Ang maong sakyanan giablihan na sa mga otoridad, ug walay sinyalis nga nangabungkag ang mga gamit sulod sa sakyanan.
I- retrieve usab sa Scene of the Crime Investigation ang dashcam sa sakyanan aron makahipos og impormasyon.
