ISABELA, NEGROS OCCIDENTAL – Isa ka babayi ang nabiktima sang “accidental firing” matapos naglupok ang armas sang iya man lang bana kahapon sang udto sa Brgy. Cabcab, banwa sang Isabela.
Ang biktima ginkilala kay Grace Love Perez, 32 anyos, samtang ang iya naman bana ginkilala kay Michael Perez, 44 anyos, isa ka driver, lunsay pumuluyo sang amo nga barangay.
Sa imbestigasyon sang Isabela Municipal Police Station, base sa panu-aron sang 9-anyos nga anak nga babayi sang mag-asawa nga ang iya amay ang yara sa sulod sang ila balay kag nagatinlo sang iya armas sang aksidente niya sini nga na-pitik ang gatilyo gani naigo ang iya iloy.
Bangud sini, nag-angkon sang igo sa iya tuo nga paa ang biktima kon diin una ini nga gindala gindala sa Ignacio Arroyo Sr. District Hospital sa Isabela kag sang ulihi ginsaylo sa Corazon Locsin Montelibano Memorial Regional Hospital.
Samtang, nagapabilin naman nga at large ang bana nga suspek./DYHB NEWSROOM
