Davao City – Nisamot kadako ang problemang giatubang ni alyas Angel, 23 anyos, nagpuyo sa Barangay Baliok, Talomo District Davao City human mag-wild sa kahubog gumikan gibuwagan sa iyang kapikas.
Sa blotter sa Talomo PNP, miresponde ang Mobile 23 nga gipangunahan ni PO1 Pedregosa sa videokehan sa maong dapit ug ilang naabtan nga naghysterical si alyas Angel.
Gipakalma sa mga pulis si alyas Angel apan nisamot na hinuon kini sa pag-wild hangtud nga gipangkawras ang mga pulis hinungdan sa iyang pagka-aresto.
Sa interbyu sa RMN DXDC ni alyas Angel, nga buot lamang niya nga makalimot sa iyang suliran tungod kay gibiyaan kini sa iyang bana ingun man ang ilang duha ka anak.
Kasong Direct Assault ug Disobedience ang atubangon ni alyas Angel.
RadyoMaN Erin Lumosbog
