Davao City – Pursegido muduso og kaso nga adultery ang usa ka bana batok sa iyang asawa ug giingong kabit niini.
Akto nasakpan ni alyas Dong ang iyang asawa nga si Alyas Jenny nga nakigtagay sa lawasnong kalipay uban sa giingong kabit niini nga si alyas Pol.
Matud ni Alyas Dong nga wala nay sapot ang tibuok lawas sa iyang asawa maingon man ang kabit niini dihang iyang naabtan nga nagkinaabayoay ibabaw sa kama.
Sumala ni alyas Dong nga wala kini magdahom nga makasakop sa law-ay nga binuhatan ni alyas Jenny ug ni Pol sulod pa gyod sa kwarto nilang mag-asawa sa ilang balay sa Panacan pasado alas-12:00 sa tungang kagabhion.
Dugay nang nakadungog og chismis ang mister nga ang iyang asawa nagluib kaniya ug nagpahilabot sa laing lalaki apan wala lang siya mitoo tungod sa kadako sa iyang pagsalig kang Jenny.
Apan maayo na lamang kay wala mawala sa kaugalingon si Dong luyo sa iyang nakita nga gipatungan sa kabit ang iyang asawa.
Wala mag duha-duha si Dong sa pagsang-at og kasong adultery batok sa iyang asawa ug sa kabit kinsa pareho napaslak sa prisohan sa Sasa PNP.
RadyoMaN Joel Viray
