Davao City- Napalgang galutaw ug wala nay kinabuhi pasado alas 6:00 kagabie ang 55 anyos nga lalaki sa may Riverside, Purok 7, Magallanes St., Brgy. 1-A, Davao City.
Sumala ni Police Major Marvin Hugos, San Pedro Police Station Commander, daling gibira ang patayng lawas sa biktima sa may baybay sa nakakita nga crew sa pampasaheruang bangka.
Samtang gikumpirma sa asawa sa biktima nga si Emmie Alvaro, 45 anyos nga iyaha kining bana nga si Roy Alvaro, 55 anyos nga sobra semana na nilang gipangita.
Matud sa asawa, ulahing nakita ang biktima niadtong December 9, 2023.
Gituohang nahulog ang biktima sa sapa samtang nanglimpyo sa likod sa ilahang balay sa Awhag Riverside, Bacaca, Brgy 19-B, diin mga gamit panglimpyo na lang ang nakita sa pamilya niini.
Matud ni Hugos, wala usab nila gipadaplin kung adunay foul play sa insidente busa nagpadayon pa ang ilahang imbestigasyon.
RadyoMaN Aimee Guinita
Facebook Comments
