Asawa ginbuno kag ginlampusan sang bangko sang bana nga may nervous breakdown

BACOLOD CITY – Nagtupa sa ospital ang isa ka asawa matapos nga ini siya ang gin-buno na ginlampusan pa sang bangko sang iya man lamang bana kaina sang kaagahon sa Brgy. Singcang Airport , Bacolod City.

Ang biktima nakilala kay Marivic Hojilla, 38 anyos, samtang ang suspek naman amo si Norberto Hojilla, 46 anyos, bana sang biktima, lunsay pumuluyo sang Purok Hollow Blocks, Brgy. Singcang Airport, ciudad sang Bacolod.

Suno sa pagpangusisa, may mga las 4 kaina sang kaagahon, natabo ang insidente kon diin ginbuno sang suspek ang iya asawa kag wala pa nakuntento, iya pa gid ini ginlampusan sang bangko.


Duha ka buno sa iya likod ang naangkon sang biktima subong man bukol sa iya agtang kag padayon ini karon ginabulong sa Corazon Locsin Montelibano Memorial Regional Hospital./dyHB BACOLOD

Facebook Comments