General Santos City—Kritikal ang kondisyon sa usa ka Criminology Student nga si Vhong Casuco, 25 anyos nga taga Barangay Fatima, Gensan human kining gidunggab sa wala mailhing suspetsado sa may Purok Islam, Barangay South Gensan alas 2:00 ang takna sa kabuntagon.
Sa report nga natala sa Dr. Jorge Royeca Hospital, nagbaktas matud pa ang biktima sa lugar dihang kalit lang matud pa kining gidunggab sa suspek pila ka higayon igo sa nagkandaiyang parti sa lawas.
Paspas nga misibat ang suspek samtang ang biktima gidala dayon sa Dr. Jorge Royeca Hospital human nakaangkon ug daghang samad dinunggaban apan gibalhin sa St. Elisabeth Hospital gumikan sa kritikal niining kondisyon.
Sa karon nagpadayon pa ang giimong imbistigasyon sa kapulisan kalabutan sa insidenti.
