Davao City – Giangkon sa suspek ang nahitabong kamatayon sa iyang bana nga nakaplagan patay sa iyang silingan sulod sa ilang panimalay.
Sa ekslusibong interview sa DXDC RMN Davao kang Cynthia Maniques Gadon giingon niini nga dili na niya maagwanta ang iyang relasyon ngadto sa iyang bana nga si Noel Estabillo Roldan gumikan kanunay gini pagutman ug kulatado usab kini kung hubog iyang bana.
Dugang pa niya sa dihang nailhan niya si Eugenio Sabac, usa sab sa mga suspek sa pagpatay sa iyang bana, iyang natagamtam ang paghigugma nga wala niya mabati kang Noel.
Matod pa ni Cynthia, wala kini plano nga biyaan si Noel gani nasayod ang biktima mahitungod sa ilang relasyon ni Eugenio.
Saysay sa maong babaye, sa dihang nasayran nila nga adunay dakong kantidad nga salapi ang biktima misangpot sa ilang huna-huna nga kuhaon ang kwarta agi’g panimalos sa dili maayong pag tratar ngadto kaniya.
Segun ni Cynthia nga pugsanon gisulod ang panimalay sa biktima ni Eugenio nga adunay dala nga kutsilyo ug gikuha ang kwarta apan gumikan misukol ang biktima napatay kini sa suspek.
Gisibat sa mga suspek ang kwarta dala ang dul-an 400 mil ka pesos apan naabtan kini sa kapulisan didto na sa syudad sa Tagum.
Narekober sa kapulisan ang kwarta nga ilang gidala nga aduna pay dugo sa biktima.
Matod pa wala nag mahay ang suspek sa nabuhat niini sa biktima tungod tumong nila nga makuha ang kwarta bisan pa man ikamatay kini sa iyang bana.
Sa karon ang mga suspek mag atubang og kasong homicide and robbery.
RadyoMaN Paul Canono
