Asawa nag-wild ug nagpabuto og pusil

102

Davao City – Arestado ang 40 anyos nga asawa human nag-wild ug nagpabuto’g pusil nga gipanag-iyahan sa iyang bana sa Catalunan Pequeño, syudad sa Davao.

Subay sa report sa Talomo Police Station, suspek giilang Alias “Inday”, nakit-an sa usa ka gwardya nga nagpabuto sa pusil ug gitohoang naka-inom.

Sa dihang gibadlong sa gwardya, gipabuthan pa kini hinungdang nagpatabang sa pulis ug gidakop ang maong ginang.


Narekober gikan sa dinakpan ang usa ka .38 kalibreng revolver ug upat ka mga basiyo gikan sa maong pusil.

Migawas sa inbestigasyon nga nag-wild kining suspek tungod sa kasuko sa iyang bana kinsa padayon na karong nagtago-tago.

RadyoMaN Paul Canono



Facebook Comments