Naghikog patay ang usa ka asawa sa Zone 10 Upper Carmen ning syudad mga alas 11:30 kagabie.
Matud ni Police Staff Sergeant Hernan Abalde, ang imbestigador sa Police station 4 Carmen, naila ang biktima nga si Jenny Dayao, 37 anyos, minyo, residente sa maong dapit.
Dugang pa ni Staff Sergeant Abalde nga nakit-ang nagbitay sa kwarto ang biktima hinungdan nga dali kining gidala sa hospital apan gideklara kining dead on arrival sa doctor.
Nasayran nga sa wala pa nahitabo ang insidente, naglalis ang biktima ug ang bana niini, hinungdan nga milakaw ang bana aron nga molaylo ug maundang ang ilang away.
Apan pagbalik sa bana, nakita na lang niini ang iyang asawa nga nagbitay na, sulod sa ilang kwarto.
Samtang sulayan matud pa sa pagpakig-istorya sa bana nga si Robinson Dayao ang iyang asawa, dihang miuli kini sa ilang panimalay.
Apan tungod kay wala mitubag ang iyang asawa sa kwarto, hinungdan nga iyang gipangita ang duplicate sa yabe sa kwarto aron kini maabrihan.
Matud sa bana, ikapila na ka higayon nga iyang masapon ang iyang asawa nga mosulay sa paghikog, apan iya lamang gakasapon.
Sa imbestigasyun sa kapolisan, walay foul play ang kamatayon sa biktima.
