Armas sa sekyu nga nagpabuto og armas, gipaubos sa ballistic test; samtang sekyu, hubog sa dihang gisikop sa kapulisan

Gipaubos sa ballistic ug paraffin test ang 38 caliber nga  maoy  gigamit sa pagpabuto sa usa ka gwardiya sa Valenzuela street Barangay Lapasan ning syudad.

Matud ni Police Major Clark  Macariola, ang Hepe sa Police Station 3 Agora, nga  tumong niini nga masuta kung ang gwardiya gyud nga si Henry Marsamolo, 46 anyos, minyo, taga Calaanan, Canitoan ning syudad ang responsable sa pagpabuto sa isyung armas.

Dugang pa ni Major Macariola nga base sa ilang pakighinabi sa maong gwardiya, aduna matud pay misulay sa pagpangawat ug mga badlungon sa palibot hinungdan nga siya nakapabuto sa armas.

Nasayran nga nakainum usab si Marsamolo atol sa pagdakop kaniya.

Giklaro usab ni Major Macariola nga sa piskalya o korte na manubag ang suspek.