Mokabat sa P 1 million , ang danyos sa sunog niigo Upper Tibir ,
Poblacion Ward III Minglanilla Cebu alas 2: 52 karong hapon.
Ang sunog nagsugod sa panimay sa magtiayong Joe ug Jenny Paran.
Matud sa mga silingan nga sa wala pa ang sunog , nag away ang magtiayon ug
giingong si Jenny ang nagsunog sa ilang panimay.
Gihulagway nga si Jenny giingong dunay kakulian sa pangisip ,ug
gikustodiya na karon sa Minglanilla Police Station .
Apan sa pakighinabi sa DYHP kang Jenny sa Minglanilla Police Station ,
nanghimakak kini sa pasangil nga siya maoy nisunog sa ilang panimay.
Matud ni Jenny sa exclusive interview sa DYHP nga naglalis siya sa iyang
bana kaganihang buntag ug giingong siya gikapos ug gikulata sa iyang bana,
apan siya nakabuhi.
Sa initial nga imbestigasyon ni Cebu City Fire Marshall Chief Inspector
Noel Ababon, nga nagsilbing ground commander sa sunog nga kapin sa 20 ka
mga panimay ang nasunog.
Alas 3:31 gipa-ubos ang sunog sa Task Force Bravo tungod sa kadako sa sunog
, ug nakontrolar pagka alas 3:45 sa hapon.
Matud ni Ababon nga ang ka traffic sa karsada gikan sa Talisay paingun
sa Minglanilla usa sa kalisdanan nga nasugatan sa kabomberuhan.
Sa pagkakaron padayon pang gisusi sa kabomberuhan kong unsay tinoorayng
hinungdan sa sunog.
