General Santos City—Hingpit ng gibyahe sa Taguig si Nasifah Pundog, asawa ni Abu Dar, nga bag-ong lider sa Maute-Isis nga una ng nadakpan sa Brgy. Apopong milabay’ng bulan.
Sumala kang Col. Adonis Bajao, commander sa Joint Task Force Gensan nga alas 5 ang takna sa buntag dihang kini gigawas sa prisuhan sa Police Station 7 ug ipa-ilalom sa medical sa Dr. Jorge P. Royeca Hospoital aron masigurong anaa kini sa maayong panlawas ayha gibyahe.
Pasado alas 10 ang takna sa buntag dihang mibyahe kini padulong sa kauluhan kung asa himuon ang pagdungog sa kasong gi-atubang sa suspek.
Dugang pamahayag ni Col. Bajao nga walay kalabutan sa pagbusikad sa Basilan ang pagbalhin kang Nasifah Pundog sa kauluhan.
Pagpaklaro niya nga daw sa na-timing lang ang pagbalhin human ang natigayong car bomb sa Basilan gumikan ilaha pa usab gipaabot ang desisyon sa korte aron masayran kung asa kini i-kustudiya.
Saysay pa niini nga wala sila naga-kumpyansa bisan pa man nga miyembro sa Abu Sayyaf ang miangkon sa maong pagpamomba. (Lore Romualdo)
