General Santos City–Hustisya kini karon ang singgit sa asawa ni Barangay Sapu Masla, Malapatan Kagawad Al Sambaga human sa kamatayon sa iyang bana.
Sumala sa ni Ellen Sambaga nga dili gyud makatarunganon ang gihimo sa mga pulis ngadto sa iyang bana nga yano rang gipusil patay kung asa tusak tusak matud pa ug bala ang lawas niini.
Igo nalang tawon sa paghilak si Ellen dungan sa panawagan ngadto kang pangulong Rodrigo Duterte nga paimbistigahan ang gihimong operasyon sa kapulisan sa ilang panimalay.
Subling gihingusgan sa ginang nga wala gyud misukol ang iyang bana ug wala usab kini midagan ug nikuhag Granada sukwahi sa pahayag sa kapulisan ngadto sa Media.
Sumala niini nga wala nay katakos sa pagdagan ug pagsukol ang iyang bana tungod halos dili na kini kalakaw tungod sa iyang balatian.
Nangayo usab ug tabang si Ellen ngadto sa Media nga sila tabangan nga ipaabot ngadto kang Pangulong Duterte ang dili matud pa patas nga operasyon sa kapulisan ngadto sa iyang bana.
