Davao City – Lutaw gihapon ug dili makatuo ang asawa nga pulis ni SPO1 Roger Padayogdog nga niresulta gayod sa pagkakalas sa kinabuhi sa iyang bana ang nahitabong insidente kagabie.
Sa eksklusibong interbyu sa DXDC RMN Davao kang SPO1 Reden Padayogdog kinsa nadestino sa Regional Personnel and Human Resource Development Division (R1) sa Camp Merecido, Buhangin, Davao City gibutyag niini nga angay nga palawman gayod ang imbestigasyon aron masuta kung unsa ang kamatuoran sa panghitabo.
Nangayo karon ang ilang pamilya ug pagsabot tungod kay anaa pa sila sa kasubo human sa kamatayon sa iyang kapikas sa kinabuhi.
Gihulagway sa 10 anyos nga kinamaguwangang anak ni SPO1 Dayogdog nga usa kini ka maayong amahan ug palangga gayod sila magigsuon.
Temporaryo lamang nilang hayaon ang namatay nga pulis dinhi sa St. Peter’s Panacan ug dalaon nila kini sa Bayugan City, Agusan del Sur karong semanaha aron makauban usab niini ang ilang pamilya.
RadyoMaN Aimee Guinita
