Na ilo ang upat ka mga bata sa mag asawa human giluba ang asawa ug nagpakamatay usab ang amahan niini, nahitabo didto sa Brgy. Linay, sakop sa lungsod sa Baliguian, ning atong probinsya sa Zamboanga Del Norte. Mga alas 4:30 sa kadlawon, nahitabo kini dili palang dugay.
Matod pa adunay pagka gubot nga nahitabo sa balay sa biktima ug niadtong higayuna nagpakitabang ang biktima ngadto sa iyang mga silingan. Hinungdan nga naalerto ang mga tawo nga nakadungog sa pagpangayo ug tabang.
Dali kini nga ge adto sa mga tawo nga naka dungog aron sayran kun unsay nahitabo, apan ang bintana ug pultahan niini naka padlock hangtod nga usa sa mga opisyal sa barangay mihukom nga gub-on nalang aron makasulod sa maong balay.
Sa dihang naka sulod na sila didto ilang nakita ang biktima nga si Daisy Bana Baldo, 37 anyos, nakaangkon kini ug ubay-ubay nga samad dinunggaban sa dughan nga mao’y mitsa sa kamatayon sa biktima.
Samtang ang suspek mao ang iyang bana nga si Jushua Agilion Baldo, 36 anyos usa ka mag-uuma pulos residente sa nahisgutan nga lugar.
Ang suspek naghigda kini sa salog nga nagtinga ug nagkanayon nga “ ayaw nalang ko ninyo ug hilabti kol kay taud-taud mamatay nako kay nag-inom kog hilo sa ilaga”.
Nakuha sa lugar ang usa ka sudlanan sa hilo nga adunay pangalan nga (lannette), lakip na usab nga nakuha ang balikog nga sundang ug suicide note na may nakasulat “ mga anak mahal ko kamong tanan atimana ninyo ang inyong manghod jhondave inday”.
Sa pagkakaron ang upat ka mga anak nila nga nahabilin anaa na karon sa kustodiya sa Baliguian DSWD.
