South COtabato—Nakaplagan nalang nga wala nay kinabuhi ang asawa sa barangay kagawad sulod mismo sa ilang panimalay sa may Barangay Topland, Koronadal City.
Nakit-an ang biktimang si Sherlyn Cahapay, residente sa maong Barangay nga nag buy-od na tapad sa ilang katre kansa gituohang nahulog.
Apan base sa gihimong inisyal nga imbistigasyon sa kapulisan dili aksidenti ang pagkahagbong niini sa higdaanan sanglit gituohang gibunalan ug botelya ang biktima gimikan na usab sa mga bun-og ug samad niini sa iyang nawong hilabi na sa iyang mata nga bahin.
Nasayran nga nag inusara lang ang biktima sa iyang balay human nga dugay na kining bulag sa iyang bana nga opisyal sa barangay nga mao si Barangay Kagawad Glen Cahapay. Hinuon sa pikas balay ra nag puyo ang mga anak sa maong biktima.
sa karon nagpadayon pa ang gihimong imbestigasyon sa kapulisan kalabutan sa maong insidenti.
