General Santos City–Gihingusgan karon sa usa ka Cheryl Julagting, asawa sa suspetsado nga nasikop sa kapulisan human nga nangilog ug armas sa gwardya ug nakuhaan pa ug droga nga si Ramil Julagting nga planted ang shabu nga nakuha sa posisyon sa iyahang bana dihang gikapkapan kini.
Sumala pa niini nga walay bisyo ang iyahang bana ug ang gwardya matud pa nga nagkapkap sa nasangpit nga suspect ang nagbutang sa maong shabu tungod kay nasuko kini sa gihimo sa iyang bana.
Dugang pa niini nga giangkon man usab sa iyang bana nga nangilog gyud kini ug armas tungod lang matud pa kay daw sa dili maayo ang paminaw niini human nakuryentihan ang iyang kamot ingon man naga-inom pa kini ug tambal kay bag-ohay lang kining nigawas sa opsital.
Sa kasamtngan nag pabilin pa sa opsital ang nasangpit nga suspect human nga gi-paadmitar sa kapulisan tungod sa iyang balatian nga ginahambin.
Kung kahinumduman nga kalit lang nangilog ug armas ang suspect sa gwardya sa usa ka pharmacy nga si Jonifer Mercado sa wala matinong rason. (Dave Silagan)
