Asawa sakpan sa bana sa Toril

38

Davao City – Mireklamo sa Talomo PNP si alyas Gideon, 35 anyos, residente sa Crossing Bayabas, Toril Davao City tungod kay iyang nasakpan ang iyang asawa nga si alyas Tina adunay kaipon nga laing lalake sa Philbanking, Dumoy Talomo District.

Sa blotter sa presinto tres, nagpa uban si alyas Gideon sa iyang duha ka kumpare aron kumpirmahon ang taho nga anaa ra sa Barangay Dumoy ang iyang asawa ug aduna nay laing kaipon.

Pagka alas 9:30 sa buntag natultulan sa bana ang balay nga gipuy-an sa iyang asawa ug testigo ang duha ka kumpare niini.

Sa dihang ilang giukoy ang iyang asawa ug kaipon niining si alyas Nelson, nabati gayud nila nga miingon ang asawa ngadto kang alyas Nelson nga “love, itunol ang hanger.”

Tungod sa hanger nakumpirmar ni alyas Gideon nga aduna nay laing karelasyon ang iyang panakaslang asawa.

RadyoMaN Erin Lumosbog

Facebook Comments