Pormal na nga ginbuksan sang Philippine Information Agency ang ASEAN kiosk sa lobby sang South Cotabato Provincial Capitol nga para naman sa tanan nga mga pumuluyo sa probinsya.
Ginpahayag ni OIC PIA 12 Regional Director Joey Sem Dalumpines katuyuan sang kiosk amo nga mapabalo suno pa sa katawhan ang mga ginahimo sang gobyerno.
Makit-an sa kiosk ang nagkalain-lain nga balasahon angot sa ASEAN ukon Association of Southeast Asian Nation bangud host ang Pilipinas sa ika-50 nga selebrasyon sa pagkatukod sang organisasyon.
May- yara man sang brochure angot sa tax reform nga ginaduso sang kongreso.
Magluwas sa South Cotabato, may yara man sang Kiosk sa Tacurong City kag Airport sa General Santos City kag plano pa sang PIA 12 nga magbutang sang ASEAN kiosk sa Cotabato City, Kidapawan City kag USM Kabacan.
Dugang pa nga bisan sa mga eskwelahan ang may-yara naman sang ASEAN Kiosk kapareho na lamang sa NDMU sa Koronadal City nga madali naman suno pa nga naubos ang mga balasahon.
Nagapadayon man suno kay Dalumpines ang ila pagpatigayon sang forum angot sa benepisyo nga makuha sa ASEAN diin target nila ang mga kabataan paagi sa pagpakigpartner sa Department of Education.
Target man nila sa information dissemination ang mga malagyo nga lugar sa rehiyon agud nga mahibaluan sang katawhan kon ano ang ASEAN kag ang iban pa nga ginahimo sang gobyerno.
