Indonesia – Nasa Indonesia na si Pangulong Rodrigo Duterte para dumalo sa ASEAN Leader’s Gathering ngayong araw.
Lumapag ang sinasakyang eroplano ng Pangulong Duterte sa Denpansar International Airport alas-9:09 ng gabi nitong Miyerkules, October 10.
Sinalubong ang Pangulo nina Indonesian Trade Minister Enggartiasto Lukita, Indonesian Ambassador to the Philippines Sinyo Harry Sarundajang, Philippine Ambassador Leehiong Wee at Permanent Representative to the Philippine Mission to ASEAN Ambassador Elizabeth Buensuceso.
Kasama naman ng Pangulo si Foreign Affairs Secretary Alan Cayetano, Finance Secretary Carlos Dominguez III, Budget Secretary Benjamin Diokno, Socioeconomic Planning Secretary Ernesto Pernia, Presidential Communications Secretary Martin Andanar at Special Assistant to the President Bong Go.
Bibigyang diin ng Pangulong Duterte ang mga hakbang ng gobyerno na ma-improve ang performance nito para makamit ang sustainable development goals ng ASEAN.
Ang ASEAN Leader’s Gathering ay gaganapin mamayang hapon na susundan ng ASEAN Leader’s Gathering dinner.
Dadalo rin dito sina International Monetary Fund (IMF) managing director, world bank president, united nations secretary-general at ang ASEAN secretary-general.
