Davao City – Anaa sa 34 ka mga nagabuhi og baboy kun hog raisers ang apektado sa African Swine Fever (ASF) sa Barangay Cagangohan sa Panabo City, Davao del Norte nga kasamtangang gi-lockdown.
Sa interbyu sa DXDC RMN Davao kang Ricardo M. Oñate Jr., Regional Director sa Department of Agriculture (DA-XI), gibutyag niini nga anaa sa 300 ka baboy ang gi-depopulate aron dili na mokatag pa ang ASF sa ubang areas diin bayaran ang maong mga hog raisers alang niini.
“Actually, nag payout na si Governor (Jubahib) ug si Mayor (Relampagos) pa-una para sa mga tag-iya sa baboy. On going na po ang depopulation,” saysay ni Oñate.
Gidili usab ang pagpagawas ug pagpasulod sa mga binuhing baboy ingon man mga pork products sa maong Barangay pinaagi sa gipatuman nga 1-7-10 protocol.
Kahinumduman nga dose (12) ka mga baboy ang unang gika-report nga namatay ug didto nasayrang nagpositibo kini sa maong balatian.
RadyoMaN Kirby Manzon
