Davao City – Mikalampag ang ang mga miyembro sa Bankerohan Meat Vendors Association sa gipagawas nga impormasyon sa City Veterinarian’s Office nga ang karneng baboy nga gikan sa palengke sa Bankerohan kontaminado sa African Swine Fever (ASF).
Sumala ni Paul Valencia, Presidente sa Bankerohan Meat Vendors Association nga dili klaro ang resulta sa gihimong examination sa City Vet kun giunsa nila pagtumbok nga ilang karne sa baboy nga gibaligya sa palengke maoy kontaminado.
Matud ni Valencia nga isip presidente sa asosasyon wala sila hatagi ug kopya sa resulta sa gihimong paghiling sa City Vet sa ilang mga karne kay ang rason confidential.
Gidugang ni Valencia nga imposible usab nga walay kontaminasyon sa ubang mga palengke dinhi sa syudad sa Davao tungod kay kasagaran sa mga nagbaligya og mga meat products sa palengke sa Toril, Buhangin, Panancan, Agdao, Tibungco ug Calinan sa Bangkerohan naga kompra.
Nakapasamot usab sa ilang dakong pagka alkanse karon sa ilang negosyo sa karneng baboy ang mga naninda gawas sa gikordon nga palengke sa Bankerohan.
RadyoMaN Erin Lumosbog
