Davao City – Hugot gimando karon ni Davao City Mayor Sara Duterte-Carpio ang pagdili sa pagpasulod sa mga binuhing baboy ug ingon man mga meat products dinhi sa syudad sa Davao gikan sa Davao Occidental lakip na sa Davao del Sur.
Sa interbyu sa Davao media sa alkalde atol sa pag-abli sa usa ka community based FM nga Davao City Disaster Radio, giingon niini nga kinahanglan magpatuman og lockdown ang syudad gumikan sa natalang pinakaunang kaso sa African Swine Fever (ASF) sa Mindanao partikularminte sa Don Marcelino, Davao Occidental diin anaa sa kapin tres mil ka mga baboy ang namatay.
“Dili na namo hulaton ang confirmatory test, giapil na namo ang Davao del Sur sa ban,” segun ni Mayor Sara.
Sa pagkakaron, padayon gihapon ang pag monitor sa Regional Animal Disease Task Force sa kaso sa ASF nga natala dinhi sa Davao region.
RadyoMaN Kirby Manzon
