Indonesia- Panigurado na ang bronse nga medalya para sa CapizeƱo nga atleta nga si Dines Dumaan sa nagapadayon nga 2018 Asian Games sa Indonesia sa patag sang Pencak Silat.
Ini matapos nga nagpangibabaw si Dumaan sa skor nga 5-0 kun sa kasumpong sini nga si Naorem Boynao Singh sang India sa Men’s 50-55 kg quarterfinal result.
Sunod nga maga-compete si Dumaan sa silver medal round ukon sa semi-finals. Nahibaluan nga si Dines Dumaan ang nakasungkit sang bulawan nga medalya sa patag sang Pencak Silat sa 29th South East Asian Games sa Kuala Lumpur, Malaysia. Siya man ang pinakauna nga SEA Games Gold Medalist nga nagikan sa Panit-an, Capiz.
Facebook Comments
