Indonesia— Sais milyones pesos!
Ini ang posible nga makuha ni Hidilyn Diaz matapos nga madag-an sini ang pinakauna nga bulawan nga medalya sa kampanya sang Pilipinas sa Asian Games sa patag sang weightlifting.
Sa matandaan ang Rio Olympics silver medalist ang liwat nga nagmarka sang kasaysayan para sa pungsod matapos nga madinalag-on sini nga masakwat ang kabilogan nga 207 kilograms sa Women’s 53-kg division.
Ang 27-anyos nga Zamboangueña native nga si Diaz ang magabaton sang kabug-osan nga P6 million pesos nga incentive kun sa diin P2 million pesos ang magahalin sa Philippine Olympic Committee; P2 million pesos ang magahalin Philippine Sports Commission sa idalom sang Republic Act 10699; P1 million pesos ang halin sa Siklab Pilipinas Sports Foundation kag P1 million pesos nga magahalin naman sa Philippine ambassador to Indonesia nga si Lee Hiong Wee.
