Davao City – Padayon gihapong nanawagan karon ang Buhangin PNP ngadto sa publiko nga og kinsa man ang adunay mga kabanay o nahibal-an nga missing nga posibleng mag match sa nakaplagang lawas sa usa ka “chop chop lady”, mamahimong makig alayon gilayon sa kapulisan.
Sumala sa Buhangin PNP nga sa kapin lima ka mga kabanay nga miduol kanila ug misuta sa nakaplagang lawas, wala gihapon nailhan ang biktima hinungdan nga pinaagi sa ilang social media, gipakusgan nila ang panawagan aron sa pagdali nga pag resolba sa maong krimen.
Alang sa mga adunay pangutana ug dugang impormasyon, mamahimong mutawag lang sa
BUHANGIN POLICE HOTLINES:
241-1411
09075945945
09985987063
Kahinumduman nga ubay-ubay na ang mga misuta sa maong lawas gani adunay higayon nga nahimong usa ka mistaken identity lamang ang nahitabong pag-claim sa gitagod-tagod nga lawas sa usa ka babaye human nga nakita sa pamilyang Albarico ang missing sa miyembro sa ilang pamilya.
RadyoMaN Renz Barbarona
