Nag tapos sa ika 19 nga pwesto ang Pilipinas sa pag takop sang 2018 Asian games sa Jakarta Indonesia subong nga adlaw.
21 ka medalya ang nadala pauli sang pungsod kaupod ang 4 ka gold, 2 ka silver kag 15 ka bronze.
Pinaka una nga nakaangkon sang Gold medal si Hidilyn Diaz para sa weightlifting 53 kilogram category. Gold medalist man sanday Yuka Saso para sa golf comeptition, women’s individual category kag isa pa ka gold para sa women’s team category kaupod si Bianca Pagdanganan kag Lois Kaye Go.
Isa pa ka gold ang nasungkit ni Margielyn Didal sa skateboarding.
Ang 2 naman ka silver medal ang nakuha nanday Tagon Ladon para sa men’s fly 52 kg category sa boxing kag Kiyomi Watanabe para sa women’s 65 kg category sa Judo.
Samtang ang 15 ka bronze ang nakuha sang mga pambato sang Pilipinas sa hampang sa Golf (1), boxing (2), pencak silat (4), taekwondo (3), wushu (2), cycling bmx (1), ju-jitsu (1) kag karate (1).
