Sa interbyu sa DXDC RMN Davao kang Police Lieutenant Colonel Jerry Cabag, Acting Chief of Police (COP) sa Monkayo MPS, gibutyag niini nga kini ang migawas sa resulta sa otopsiya diin ang person of interest mao ang mismong bana sa biktima’ng si Maricel Huta, taga San Miguel, Compostela, Davao de Oro.
“Based sa autopsy (result), asphyxia by drowning (ang cause of death). Mura’g gituok siya unya gilumsan sa atong suspetsado,” butyag ni Cabag.
Gidugang sa pulis nga selos ang ilang ginalantaw nga pinakaduol nga motibo sa krimen. Nasayrang nagbulag na ang magtiayon apan buot nga makigbalik ang bana bisan og dili na gusto sa asawa niini tungod usab sa kairesponsable sa lalaki.
Sa Lunes, Enero 30, 2023, ma-file na ang kasong parricide batok sa suspek nga kasamtangang gawasnon.
Kahinumduman nga magbulan pa lamang nga nakauli sa Pilipinas ang OFW aron magbakasyon ug nakigkita ug nanghayo’ng magpauban ang iyang bana sa transaksyon niini ug didto na nahitabo ang krimen.
RadyoMaN Kirby Manzon
