Davao City – Nagmalinawon ang unang adlaw sa filing of certificate of candidacy sa tibuok rehiyon onse kagahapong adlawa kini subay sa assessment sa Commission on Election Davao Region.
Suma ni Comelec 11 Spokesperson Atty.Krisna Caballero nga mingaw pa kaayo ang ilang mga buhatan sa mga kandidato sa unang adlaw sa pagduso sa ilang kandidatura kagahapong adlawa.
Segun ni Caballero, wala pa’y dagko nga mga partido ug mga kandidato ang nangahas sa pag-una sa pagpasa sa ilang CoC sa ilang mga buhatan gikan sa lima ka probinsiya sa rehiyon onse.
Base sa monitoring, usa ka PUJ driver ang nagduso sa CoC sa Comelec Davao City sa Magsaysay Park aron magpapili sa pagkakonsehal sa ikaduhang distrito ning siyudad pasado 4:00 gahapon sa hapon.
Gilauman sa Comelec 11 nga posibleng magsugod ang pagdagsa sa mga kandidato sunod semana aron magduso sa ilang mga CoC alang sa 2019 midterm elections.
Apelar sa tigpamaba ngadto sa mga buot mudagan sunod tuig nga mas maayo magfile na dayon sa ilang mga CoC aron makorihi dayon ang sayop sa ilang mga aplikasyon.
Nagpahinumdom pa si Atty.Cabellaro nga wala na’y lugway igahin ang Comelec Central Office alang sa mga aspirant candidates nga pakyas makaduso sud sa mga petsa sa filing of CoC.
RadyoMaN Joel Viray
