Sarangani Province–Padayon pang ginasuta ang nahimong danyos sa Sarangani sa nahitabong 6.9 magnitude nga linog diin sentro niini mao ang Matanao, Davao Del Sur.
Sumala ni PDRRMO Sarangani Action Officer Rene Punzalan nga sa kasamtangan ila pang ginahuwat ang report sa matag munisipyo human sa ilang gihimong assessment.
Apan basi usab sa inisyal nag report nga nakaabot kanila, ang Malungon lang ang labing naapektuhan kung asa adunay mga eskwelahan, balay, gambalay ug duna pay land slide nga natigayon.
Gikumperma usab ni Sarangani PDRRMO action Officer rene Punzalan nga nakitaan ug mga tension Crack sa Barangay Lutay Malungon.
Nasayran nga giadtuan na sa mga personahe sa Mines and Geosciences Bureau ang lugar aron sutaon ang mga tension crack.
Nasayran nga una nang gibutyag nga adunay Fault line ang Malungon apan wala pa masayran kung apil kining milihok atol sa pagtay-og.
Dugang pagbutyag ni Punzalan nga nagpadayon gihapon ang ilang gihimong assessment sa nahimong danyos sa pagtay-og.
Usa sa ilang ginasuta mao ang mga tunghaan kung asa pipila ka mga classroom na ang adunay damage.
Sutaon sab kung ang mga classroom nga nagbaton nag crack atol sa pag-igo sa linog niadtong Octobre mao usay mga tunghaan nga gikaingong naguba sa bag-uhay lang natigayon nga pagtay-og.
