Con un pulis “asset” ya tira na Puerto Princesa Drive, Talon-Talon enantes aga.
El victima amo si Rodelin Marcos y Graciano, casao del mencionao lugar.
Si Marcos ya sostene cuantos irida be bala na cuerpo y ya lleva conele na hospital.
Asegun na report del pulis ta lleva bata si Marcos na escuela del Talon-Talon alas 5:30 del aga y mientras pasando na mismo calsada del Puerto Princesa, tiene un persona el ta pretend eta compone el tubu de agua.
Pero cuando ya pasa canda Marcos, derepente ya lang ya tira conele el persona cuantos beses.
El suspechao ya escapa despues del incidente mientras con el victima ya lleva na hospital.
Nohay mencionao na report del pulis cosa ya pasa con el bata ta lleva si Marcos.
Facebook Comments
