Davao City – Andam na nga depensahan sa contingent gikan sa Asuncion, Davao del Norte ang titulong kampeonato sa open category sa Indak-Indak sa Kadayawan 2018 nga himuon ugmang adlawa, Agosto 18, 2018.
Sa interview sa DXDC RMN Davao kang Brenda Catalya, MAPEH Coordinator sa Asuncion National Highschool, malaumon sila nga masungkit gihapon sa Asuncion ang kadaugan diin kahinumduman niadtong miaging tuig, nag kampeon ang Sagayen National School Performing Arts nga gikan gihapon sa Asuncion Davao del Norte alang sa Indak-Indak open category.
Dugang ni Catalya nga nagpahigayon na sila og blockings sa Kadayawan Square uban ang mga contingents gikan sa mga kasikbit nga mga lugar sa Davao samtang kagahapong adlawa gihimo ang blockings sa mga contingents sa school-based category.
Samtang sumala ni Indak-Indak event organizer Harold Quibete, nga mas gihatagan karon og pagatagad kun tutukan ang street dancing mismo kaysa sa props sa mga contingents aron mahatagan og hustiysa matud pa og nganong gitawag kining Indak-Indak.
RadyoMaN Renz Barbarona
