Davao City – Usa si Multi-Sectoral Organization Focal Person Jess Pagaran nga gibati og tumang kabalaka matag higayon nga anaa kini sa gawas kay dili siya kaseguro sa mga tawong masugat niini kung asymptomatic ba or positibo gayud sa COVID-19.
Nanigurado gayod si Pagaran sa paghinlo ug paglahi sa iyang kaugalingon una pa siya musulod sa ilang panimalay matag mamalengke kini sa merkado publiko sa syudad.
Rason ni Pagaran nga lisod mokumpiyansa kay sa gamay’ng sipyat, lakip na unya ang pamilya nga masakripisyo niining makamatay nga sakit nga mikatag na karon sa tibuok kalibutan.
Sa tan-aw ni Pagaran, dili kasaligan ang ginagamit nga testing sa mga tinugyanan sa maayong panglawas sa nasud ngadto sa mga tawong gidudahang adunay COVID-19 bisan pa og miagi og makuti nga proseso ug pagsusi.
Aduna usay dakung posibilidad nga magnegatibo ang usaka tawo sa unang testing apan sa dihang mobyahe na kini pauli, adunay purohan nga nakatupad kini og pasahero nga asymptomatic kon walay simptomas sa virus.
Aduna gayu’y posibilidad nga mao kana’y hinungdan ngano nga ang mga nanguli sa probinsiya ilawom sa ‘Hatid Probinsya’ program sa gobyerno nag-negatibo sa unang test apan na-contaminate diay sa virus, segun ni Pagaran.
Walay como kon batasanon ang pagsunod sa physical or social distancing ug pagsuot og facemask sanglit ang mga eksperto sa panglawas nagsulti nga makatabang kini aron ang virus dili motapot sa bisan asang parte sa lawas ug sa sapot, dugang ni Pagaran.
RadyoMaN Joel Viray
