Davao City – Giklaro karon sa Department of Education (DepEd) nga kadto lamang mga aktibidad nga naka schedule sa Pebrero ang gikansela gumikan sa hulga sa 2019 novel coronavirus (nCoV) acute respiratory disease (ARD).
Sa interbyu sa DXDC RMN Davao kang Jenielito “Dodong” Atillo, spokesperson sa DepEd-XI, gibutyag niini nga kini ang nahimong kamanduan ni DepEd Secretary Leonor Briones aron malikay una sa mga panagtapok ang mga estudyante.
“The directive is talking really of not holding the activities if it is within the month of February. This is because of novel coronavirus scare that we have at current,” saysay ni Atillo.
Gibutyag ni Atillo nga dili apektado niini ang Davao Regional Athletic Association (DAVRAA) diin kini naka schedule sa March 15-22, 2020 ingon man ang Palarong Pambansa nga naka schedule sa bulan sa Mayo.
Gi-awhag usab sa DepEd official ang mga magtutudlo ug mga estudyante nga mokooperar sa kampanya sa departmento batok sa nCoV.
RadyoMaN Kirby Manzon
