Atleta sa Palarong Pambansa nahulog, naospital

199

Davao City – Aksidenteng nahulog ang usa ka atleta ug naparok ang ulo sa semento hinungdan sa pagkaangol niini.

Sa report gikan sa Calinan PNP, ang biktima mao si alyas Ara, 17 anyos, estudyante sa SPED ug partisipante sa special blind running event gikan sa Region 10.


Matud pa nagsakay ang biktima og school bus apan pag-abot sa Calinan Elementary School ug nanganaug na ang mga sakay niini aksidenteng nahulog si Ara sa gamay nga sapa duol sa gate sa maong tulonghaan.

Daling girespondihan sa mga sakop sa Calinan PNP ug gidala ang biktima sa Southern Philippines Medical Center aron matambalan.

Sa pagkakaron nakarekober na ang biktima ug nakagawas na kini sa balay tambalanan.

RadyoMaN Don Pulayao

Facebook Comments