“Because it’s worth fighting for.”
Walay laing nalitok ang Executive Producer nga si Ms. Sunshine Lim kun dili ang mga pulong nga “worth fighting for” sa day 1 sa maong salida. Sa sinugdanan pa lang kahibaw na siya nga dili basta basta ang iyang gisudlan. Daghan og mga challenges ang iyang nasugatan sa wala pa ang premier night nga gipahigayon karong adlawa, Marso 7, sa Cagayan De Oro City.
Ang bagang duot sa mga fans nga misalmot sa maong premier night maoy naghatag og inspirasyon ni Ms. Lim ug sa tibuok cast ug crew sa maong movie. Labihan sad niyang ka-mapasigarbohon gumikan kay nakakuha ang maong film og Grade B gikan sa Cinema Evaluation Board.
Mapasalamaton ug hopeful si Ms. Lim nga magmalampuson sila sa ilang tumong nga ma-showcase ang istorya ug pinulongang Bisaya sa big screen. Ug iyang gi-ampo nga daghang mga Pinoy lukop nasud ang mas maka-appreciate sa atoang pinulongan ug mga salida nga tatak Bisaya gyud. Gikan sa story writers, cast, crew, OST singers ug composers puro gyud mga Bisaya.
SUPORTAHAN NATO NI!
Ayaw og kalimot showing na sa tanang SM Cinemas nationwide ang maong Cebuano indie film nga gibidahan sa online sensation ug content creator nga si Rowell “Medyo Maldito” Ucat kauban ang Star Power finalist ug singer-actress Akiko Solon. Naa pa gyud ang lain pang online sensation, Snake Princess. Daghan pang mga Cebuano artist ang dapat atangan sama nilang Ligaya Rabago, Alem Garcia, ug daghan pa.
Bisita na sa SM City Cebu, SM Seaside o SM Consolacion aron sa pagtan-aw sa MTK. Suporta gyud tang mga Bisaya. Kudos!
