Kahapong adlawa nagsugod na sa pagsaulog ang Zamboanga del Norte Electric Cooperative (ZANECO) sa ika 45 ka tuig nga anibersaryo sa maong kooperatiba.
Ang ZANECO usa ka non-stock ug non profit electric cooperative, na rehistro kini ilawon sa National Electrification Administration (NEA) niadtong agosto 23, 1972.
Ang orihinal nga prangkisa sa maong kooperatiba gilangkuban lamang sa dakbayan sa Dapitan, ug munisipyo sa Rizal, Sibutad, La Libertad, Piñan, Mutia, ug Polanco. Sa pagkakaron ang Zaneco nagserbisyo na sa 584 ka barangay, 21 ka munisipyo ug duha (2) ka syudad sa tibuok probinsya sa Zamboanga del norte.
Atol sa maong pagsaulog, gipahigayon usab ang Ground Breaking Ceremony sa maong kooperatiba, ge pangunahan kini nila ni Genaral Manager. Adelmo P. Laput uban sa mga board of director nga sila si BOD President Jesus Eduardo R. Tyrus, Clarita A. Ibanay, Christopher D. Acailar, Uhlan G. Calasang, ug Danelito O. Castro.
Ang nahisgutan nga seremonya mao ang pagtukod sa bag-ong dakbalay aron sa ingon nga mas mapalu-ag pa ang ilang buhatan ug aron mas komportable alang sa mga membro konsumante nga mo adto sa ilang buhatan.
Gilaumang sugdan na ang pagpanday sa maong dakbalay karong bulan sa septyembre ning tuiga. Gani matod pa sa Zaneco nga ila kining dalion aron nga maayo ang dagan sa ilang pagserbisyon ngadto sa katawhan ilabi na dinhi sa probinsya sa Zamboanga del norte.
