Atty. Lim, ni-file sa COC sa COMELEC Misamis Oriental

25

Pormal nang nag-file sa iyang Certificate of Candidacy kagahapon sa hapon sa Misamis Oriental Provincial Commission on Elections kon Comelec si Atty. Angel Lim Jr. nga mikandidato sa pagka Board member sa 2nd district sa Misamis Oriental.

Mga alas 3:50 ang takna kagahapon sa hapon, pormal nga gidawat ni Misamis Oriental COMELEC Officer Carlito Ravelo ang Certificate of Candidacy ni Atty. Lim.

Si Lim nag-file sa ilang COC sa Comelec pinaagi sa prinsipyo sa Substitution.

Gipulihan ni Atty. Lim ang kandidatura ni Marsan James Simacon nga mi-atras sa iyang interest nga mokandidato sa pagka Board member sa lalawigan.

Si Atty. Lim nag-file sa iyang COC ubos sa landong Partido National Unity Party ni  2nd district Congresswoman Juliet Uy ug sa iyang mister nga si kanhi Vice Governor Julio Uy nga mikandidato sa pagka Gobernador sa sulod eleksyon kontra ni incumbent Governor Yevgeny Bambi Emano.

Niadtong 2016, si Lim unang mikandidato sa pagka Vice Mayor sa lungsod sa Lugait isip independent Candidate apan napilde siya sa maong eleksyon niadtong panahona.

Si Lim nga taga lungsod sa Lugait,  maoy unang Provincial Candidate nga nag-file sa iyang COC ubos sa  prinsipyo sa Substitution sa COMELEC.

Facebook Comments