Gikasubo ni Comelec Provincial Election Supervisor Atty. Aleli A. Dayo-Ramirez ang wala pagtunga sa pipila ka mga kandidato nga magpapili karong umaabot eleksyon sa Misamis Oriental atol sa gihimong Candidates Forum sa USTP Gymnasium karong hapon.
Matud ni Atty. Ramirez nga nagtoo siyang nagkauyon na sila sa dihang nahinabi niya ang mga tigpamaba sa National Unity Party.
Dako ang kakurat niini sa dihang walay ni isa ka kandidato sa Unity Party nga misalmot sa maong Forum.
Gipasabot ni Atty. Ramirez nga tumong sa maong Forum nga masayod ang katawhan sa Misamis Oriental kung unsa ang mga programa o katuyuan sa mga kandidato nga magpapili ug unsa ang ilang buhaton kung mabutang sila sa pwesto.
Nasayran nga ang Team Padayon Pilipino, kumpleto ang ilang kandidato sa Segundo distrito apan sa unang distrito wala si Christian Unabia nga magpapili pagka kongresista, Erik Khu ug Bebing Dumadag nga magpapili pagka Board Member.
Mitambong sa Forum si Governor Bambi Emano nga subling magpapili pagka gobernador uban ni Board Member President Elipe nga magpapili pagka bise gobernador.
Samtang sa partido Hukbong Federal ng Pilipinas naa si Atty. Cancio Guibone nga magpapili pagka kongresista sa unang distrito u gang independent candidate nga si Manuel Poe nga magpapili pagka Gobernador.
