Auction Sale sa real property sa South Cotabato , ipatuman sang Provincial Treasurer`s Office.

Ipursige na gid subong nga tuig sang Provincial Treasurer`s Office sang South Cotabato ang auction sale sa real property tungod madamo gid suno pa ang wala nakabayad sang ila nga obligasyon.
Target nga ipatigayon sang talatapan ang auction sale pagkatapos na sang selebrasyon sang T`nalak Festival sa bulan sang Hulyo.
Suno kay Provincial Treasurer Alvim Batol nagalab-ot sa P40 – P50 million ang sarang pa nila nga kolektahon sa real property tax dire sa probinsya matapos nga pila naman ka tuig suno pa nga wala sila nakapatigayon sang auction sale.
Sa subong suno kay Batol nagalibot ang iya nga mga empleyado sa mga kabanwahanan dire sa probinsya sa diin gin-una nila ang banwa sang Polomolok agud nga maghatag sang final billing tungod madamo ang wala nakabayad sa ila nga RPT.
May-angot sini, ginaawhag ni Batol ang mga taxpayers dire sa probinsya nga kon nakabaton na sang final demand i-settle na ang balayran agud nga indi malakip ang ila nga propiedad sa maauction.