Davao City – Tungod sa nagpadayong pagtaas sa ihap sa mga nataptan sa COVID-19 denhe sa syudad, dili pa angayang ipailawom sa General Community Quarantine (GCQ) control measure ang atong dakbayan.
Sumala ni Dr. Ricardo Audan, Southern Philippines Medical Center (SPMC) Chief of Clinic, posibleng modaghan pa ang matakbuyan unya sa virus tungod kay ilawom unya sa GCQ, mogamay man ang mga restrictions gitumong diha sa pagpugong sa mga tawo nga mogawas-gawas tungod kay aduna na man unyay mass transportation ingon man pagbukas sa ubang mga pamatigayon diin malagmit nga dili na unya matuman pa ang social distancing protocol resulta sa potential increase sa COVID infections – kon dili gilayon maagapan.
Sumala ni Audan, hangtod nga dili moubos ang ihap sa mga natakbuyan, mas makaayo kanato nga dili lamang una tugtan nga kita ipailawom sa GCQ control mode.
RadyoMaN Bernard Pantallon
