Davao City- Nakasinati na ang Southern Philippines Medical Center (SPMC) og ‘unusual’ high volume sa mga pasyente sa COVID-19 nga gikinahanglang ipang-admit.
Matud ni SPMC chief Dr. Ricardo Audan tungod kay niawas na sa capacity ang mga ICU ug isolation ward beds nga gitagana alang sa mga COVID-19 patients sa SPMC, gikinahanglan nga rebisahon ang kasamtangang quarantine status sa syudad nga General Community Quarantine (GCQ) with heightened restrictions nga nagsugod niadtong Setyembre 1 hangtod Setyembre 7.
“The Regional IATF should review again ang level of community quarantine kay as of now kay GCQ with heightened restrictions man ta but never go back to ECQ dili pod ko,” sumala ni Audan.
Samtang, gibutyag ni Department of the Interior and Local Government XI Director ug Regional Inter-Agency Task Force for the Management of Emerging Infectious Disease (RIATF) chair Alex Roldan, nga gitagaan nila’g panahon nga makatubag kutob alas-6pm sa gabie niadtong Sabado ang tanang Local Government Units diha sa ilahang rekomendayon sa ipahamtang nga quarantine status.
Giesplekar ni Roldan, nga magdepende sa assessment karon sa mga eksperto ug kapabilidad sa mga LGUs ang ipatumang mga protocols diha sa pagkontrol sa padayong pagsutoy sa kaso sa COVID-19 sa Davao Region.
Nanawagan si Roldan sa katawhan sa Davao Region nga seryusuhon ang Minimum Public Health Protocols tungod dili binuang ang sitwasyon sa COVID-19 sa Region XI.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
