Davao City – Mamahimo ra nga di magsuot og face mask o face shield sulod sa panimalay.
Matud pa kang Southern Philippines Medical Center (SPMC) officer-in-charge Dr. Ricardo Audan nga di na kinahanglan magsuot og facemask sa sulod sa balay ilabina kung wala ma’y ginahambin nga sakit.
“Kampante ta ana kung walay mga sintomas, mga flu-like symptoms mao manang COVID. Kung walay mga sintomas nganong mag-mask pa man sa panimalay basta as long as healthy ta,” segun ni Audan.
Alang kang Audan, aron makalikay sa balatian ug malikayan ang pagtakod-takod, kinahanglang tumanon ang mga minimum health standard ug i-mintenar sulod sa panimalay ang hygiene ug magbaton og mga kaugalingong utensils.
Angay palig-onon usab ang resistensya pinaagi sa pagtumar og mga vitamins ug pag-ehersisyo.
Dugang abiso nga kung aduna may gibating flu-like symptoms, magpa-check-up gilayon sa doktor aron masuta kung COVID-19 kini ug daling ma kontrola ang balatian sulod sa usa ka panimalay.
RadyoMaN Aimee Guinita
