Davao City – Usa ka maayong lakang ang gihimong Rapid Diagnostic Test (RDT) sa mga vendors ug laborers sa Agdao Public Market tungod kay anaa sa kategoriyang ‘high risk areas’ sa COVID-19 ang maong palengke kauban ang Piapi ug Bankerohan Public Market sa dakbayan sa Davao.
Sumala ni Dr. Ricardo Audan, Southern Philippines Medical Center (SPMC) Chief of Clinics, kini nga lakang aron batukan ang pagkuyanap sa balatian kabahin gihapon sa mga precautionary measures kontra coronavirus disease (COVID-19).
Hinoon giklaro ni Audan nga ang RDT dili gyud siya accurate o maka-detect og virus sa lawas sa tawo.
Matud pa nga kinahanglan ipailawom sa Real Time Polymerase Chain Reaction (RT-PCR) test ang usa ka indibiwal aron gyud mahibaw-an og positibo o negatibo kini sa COVID-19.
RadyoMaN Bernard Pantallon
