Ta continua pa el imbestigacion del pulis aserca con el matansa del internal auditor del Asia’s Latin City Transport Services Cooperative (ALCTSCOOP) mientras su esposa quien book keeper del mencionao cooperativa irido durante el tiroteo adentro mismo del compound del cooperativa na Canelar del Biernes serca escuricia.
Con el ya sale muerto ya conose como si Wilfred Mabala Tan, 60 anios de edad mientras su esposa si Wilma Ochea Tan, 62, anios de edad, ambos de Divisoria.
Tiene ya conquien ya considera el pulis como person of interest y ya pone ya baho na parafin test quien miembro del cooperativa.
Si acorda, serca man alas 6 del noche cuando ya anda encontra si Tan consu esposa muntando diila XRM motorsiclo y mientras pasalida ya sila na compound del cooperativa tiene ya lang un persona ta usa bull cap con mascara ya aparese y ya refica ya lang de tiro canila usando el 9mm pistola.
Si Wilfred na muri dayun mientras su esposa ya sostene dos tupada de tiro na cuerpo y ya lleva conele na hospital.
Maga pulis ya recobri cuatro capsula de 9mm pistola na lugar del incidente.
