Davao City – Gikatakdang magsugod na karong semanaha ang pagbiyahe sa pipila ka mga bus units isip Peak Hours Augmentation Bus Service (PHABS) sa ruta sa Toril ug Catalunan Grande ning syudad sa Davao.
Sa pakighinabi sa DXDC RMN Davao kang Atty. Catleya Acaylar, ang regional director sa Land Transportation Franchising ang Regulatory Board (LTFRB)-XI, gisaysay niini nga ila gilayong isyuhan og special permits ang mag-apply alang sa PHABS diin anaa sa 20 bus units ang pwedeng makakuha niini.
Gibutyag usab ni Acaylar nga magsugod ang pagbiyahe sa buntag matag alas-6:30 hangtud alas-9:00 samtang sa hapon matag alas-5:00 hangtud alas-8:00 sa gabii.
Samtang, nagpahinumdom usab ang City Transport and Traffic Management Office (CTTMO) nga tumanon ang gitakdang mga bus stop areas sa maong mga ruta kung asa didto lamang mamahimong musakay o mukanaog ang mga pasahero.
RadyoMaN Kirby Manzon
