![AUGUST.jpg](https://i0.wp.com/rmn.ph/wp-content/uploads/2019/08/AUGUST.jpg?resize=696%2C464&ssl=1)
Davao City – Subay sa Proclamation No. 555 nga gilagdaan ni Presidente Rodrigo Duterte, adunay mga especial nga mga adlaw nga gideklara isip regular ug special non-working days karong tuiga.
Sa bulan sa Agosto, gideklarang special non-working holiday ang Agosto 21, adlawng Miyerkules isip Ninoy Aquino Day. Regular Holiday ang Agosto 26, isip National Heroe’s Day.
Sa interbyu sa DXDC RMN Davao kang Yan Catacutan sa City Information Office (CIO) – Davao City, gibutyag niini nga dinhi sa syudad sa Davao gideklarang Special Non-working Holiday ang Agosto 16 tungod sa 34th Kadayawan Festival.
Saysay ni Catacutan nga tentative nga petsa usab ang Agosto 12, adlawng Lunes alang sa selebrasyon sa Eid Al-Adha kun Peace of Sacrifice sa atong kaigsoonang Muslim.
Gina-paabot pa usab ang eksaktong petsa ug kung ideklara ba isip holiday ang Araw ng Pasasalamat nga sagad ginapahigayon human sa aktibidad.
Gi-awhag usab sa opisyal ang publiko nga i-like ang Facebook page nga City Government of Davao alang sa dugang pang mga pahibalo.
RadyoMaN Kirby Manzon