Kalibo, Aklan – Arestado rong sangka auto electrician matapos nga ginpatigayon rong sangka buy-bust oiperation kaina it agahon sa Piyape St., Magdalena Village, New Buswang, Kalibo, Aklan.
Ro suspek nakilaea kay Arturo Sarrosa Jr., 36-anyos, mekaniko, native it Punta Tabuc, Roxas City ag presente nga naga istar sa Brgy. Libang, Makato, Aklan.
Suno kay PCINsp. Fensy Andrade, head it PDEU – Aklan nadakpan si Sarrosa matapos nga mabakean it sangka sachet it suspected shabu kabaylo it P 3,000.00 pesos nga buy-bust money kung sa siin may limang adlaw ra nga ginpaidaeom sa surveillance ag transaction.
Ro anang routine suno kay Andrade hay naga ubra imaw sa shop tapos nagapinanaw sa guwa sakay it motorsiklo maadto sa mga baeay ukon establisyemento nga anang ginataw-an ag maguwa man dayon.
Nasayuran pa gid kay Andrade nga ginhueat nanda kung san-o sanda taw-an it suspek ag kaina sanda gin schedule rason nga gin kasa ro operation. Ro pag dispose it suspek hay pasunod ag bukon it eaktaw-eaktaw dugang pa ni Andrade.
Uwa man raya naga daea it maabuan nga stock kundi kon ano eamang ro order kana hay dato eang anang daea.
Ro anang area sa pagduso it illegal nga droga hay Makato, Numancia ag Kalibo.
Gin ako man it suspek sa operatiba nga rong nadakpan ko buean it Enero sa punta tulay, Bulwang, Numancia sa buy-bust operation nga si Ryan Aninacion nga HVT 2 drug personality sa Roxas City hay anang kaklase.
Iga paidaeom man sa forensic examination sa Crime Lab rong nabuoe sa suspek ag kom mag positibo raya pagapasakaan it kasong pagbayolar sa Sec. 5 it R.A. 9165 kamana man rong suspek hay igapaidaeom sa drug testing.
Mag eowas sa sachet it suspected shabu nabuoe pa sa suspek rong buy-bust money nga gintinguhaan pa nanang ipilak, Yamaha Mio Motorcycle, IDs ag cellphone.
Samtang sa pihak nga parte, iga verify man it mga kapulisan nga kung ro nasambit ngara nga suspek hay may kaso sa Roxas City nga illegal possession of firearms.
